| بسـم اللـه الرحمــن الرحيـــم حبايـــــب قلبـــــــي أعضـــــاء المنتـدى القديمـين أو اللــي
توهــــــــــــم مسجلـيـــــــــــن قبــــــل البدايـة بالمشاركـة او كتابة مواضيع أتمنى الاطـلاع على
الأمور هذي الاساسيـه عشان باكر لا تنشـب لي فالخاص وتقول لي ليش موضوعي أنحذف أو ليش توقفت
عضويتي .. علــــى قولـة المثل اللي أوله شــــــرط آخـــــره سلامـه .. الله
يسلم عماركم وأنا داري أن مافيــه فايــده من الكتــابة كالعادة نكتـــب شـروط ونرقص لكـم حتى ولا حد يمنـا :D أهم شي عنـدنا .. انه ون فاميلي اسم الله علينا .. الله لا يفرقنــا ..
ويجمعنا على ذكـره وطاعتـه الزعـل ممنـوع .. والعتـب مرفـوع والمـزح لـه حــدود ! يعني صحيـح أن المنتـدى حق دجه و وناسـه ولكـن مو تجيب فينا العيد
وتخربها ع الآخر .. لذلـك
هــذي
الشـــروط الاساسيــه يالبـى قلبـك -
عـدم
الاساءه لأي مذهب أو أي ديانة والتقيـد بالشريعة وتعاليـم ديننـا
الحنيـف وسنـة نبينا عليه الصـلاة والســلام .. -
عـدم نشـر أي موضـوع فيه إساءة لأي ديانة سماويه أو أي مذهب أو عقيدة أو طائفة وأي مواضيع تثير الفتن بينها .. وعـدم نشـر أي موضوع إسلامي أو أي حديث قبل
التأكـد من صحتـه
ويرجى قراءة شـروط القسـم الإسلامي أولا .. -
عـدم الاساءه لأي قبيلة .. أو أي شخـص .. أو أي دولـه .. أو أي
تجريـح .. وحل الخلافات الشخصية بعيـد عن المنتـدى .. وبعيد عن
الأعضاء أو الردود والمواضيــع
ويكـون إما برسالة خاصة او بالمسنجـر او برسالة للإدارة إذا أنطلب
منهـا ..
وممنوع تروح تسدح لي موضوع وش كبره عشان سالفة هوشه بينك وبين أي
عضو ثاني !! < دقق عليها :50:
والمخالفة تعرض الاثنـين للطـرد إما المؤقت أو الدايـم حسب المشكلة
-
سوالف الشـلل والعصابات هذي مهيب عنـدنا يجي واحد يسوي لي شله
ويقومون على مشـرف أو عضـو ثاني لأنه قايم بواجبـه -
سـوالف الترقيم والمغازل بالملفات الشخصية .. أو الرسايل الخاصة
هذي بعد أنساها .. واللي نشوفـه جالس يتميلح ولا يغازل ولا يسبب أي
إزعاج أول حاجه بنسويها بنعلق خشته بنر بالمنتدى ونشهـر فيه وإذا
كرر يقضب الباب .. وأي عضو تجيه رسالة خاصة فيها تحرش وترقيم
ومغازل لا يتردد ابد بإرسالها للاداره اللي هو أنا عسول
فديتوني بص .. -
بخصـوص الأعضاء الجـدد ياحيكـم ويالبـى قلـوبكـم .. وما فيـه فـرق
بين عضـو جـديد أو قـديم كلكـم خير وبركـه وكل واحد وكلمـته
وأخلاقه تحكـم نظرة الغيـر لـه
ولا فيـه فرق بين مديـر أو مشـرف أو عضـو .. الكل عايلـه واحده
وهذا المكتوب بالشعـار .. وحبـذا لو تشـدون حيلكـم بالترحيب
بالأعضاء الجـدد .. -
لكل واحد الحـق بأنه يحط توقيـع يختاره أو صوره رمزيـه..
ولكـن لنا الحـق انه نمنـعه من انه يحـط صوره تخدش الحياء مثل صورة
بنيـة ترللـي جايبـه العيـد .. أو صورة تخدش الديـن .. الخ .. وفي
هالحـال الاداره لها الحق بإلغاء التـوقيع أو إرسال تنبيـه للعضو . -
بعـد أقولكم لبـى قلـوبكـم االأغـــانــــي واهداءات الأغاني او
البطاقات الفلاشيــه اللي فيها مقاطع أغاني ممنوعة ويمنـع التهنئة
والحفلات بأعياد الميلاد حنا مسلمين ولنا عيديـن واللي يبي يهدي
ويحتفل يروح المسنجـر ويحتفل بيدينه ورجلينه. -
نشـر الصـور والافـلام ..
طبعـا بكل قسـم من قسم الصور او قسـم السينـما او الجوال فيه شروط
خاصة بكل قسـم
وهيه شـروط أساسيه برجع اكتبها باختصار هنا .. عشان ما يتعرض
مـوضوعك للحذف ..
عـدم نشر صور , أفلام , مقاطـع , تخدش الديـن أو أي ديانة أخرى
عـدم نشر صور , أفلام , مقاطـع , تسبب الحساسية بين الأعضاء أو
اهانـة عضو او قبيلة أو دوله ..
عـدم نشر صور , أفلام , مقاطـع ,, قليلـة حيا زي مايقـولونها أو
شبـه متعريـه .. -
عنـد طرح نقاش ساخـن وجيت تبي تقـدم وجهـة نظـرك .. بنقـولك هذي
وجهـة نظـرك تعبر عن رايـك وبس .. وبالمقابــل غيـرك لـه وجهـة نظر
وكل واحـد له وجهـة نظره يعبـر رايـه وبس
ومثـل ما قيل اختـلاف وجهات النظـر لا يفسـد للـود قضيـه او مثل
ماهي ماني حافظها المهـم اللي هـو يعنـي مهما تعددت وجهـات النظـر
ما فيه داعي للمشاحنات الزايـده < سامعها المشاحنات بس مدري وش هيه
هـع
وما فيـه داعي للتجـريح وهيه وجهـة نظر كل واحـد فيكــم
وان كان عاد موضوع النقاش المطـروح ماتبـي تشارك فيه أو ما تعرف وش
تكتب مافيه داعي تقوم تهايط وتذب وتجيب فينا العيـد -
بخصـوص نقــل المــواضيـــع المكررة
قبـل نشـر أي موضـوع منقـول حنا ما نقـولك ممنـوع الا هاتـه هو
والمنتدى كله اللي نقلـت منـه
ولكـن قبل ترسلـه فيه شي اسمـه بحث
تبحث عن كلمـه او كلمتيـن من الموضوع اللي بتجيبـه وتشوف ان كان
منشـور بالمنتدى من قبـل او لا عشان ما يتعرض موضوعك للنقـل او
الحذف ان كان مكـرر وتحط نفسـك بموقف محـرج عاد وتعال فك عمـرك
وحبذا لو تقرا موضوعـك قبل تنقلـه لايكون فيه شي مخالف للشروط
السابقـه ..
واذا شفـت موضوعـك منقول لقسـم المكرر تأكد انه بيكون موجود سابقا
وصاحب الموضوع اللي جابه قبلـك له الحق بان موضوعه يكون له
الاولويـه
ومافيه داعي للتعرض للمشرف اذا نقل موضوعـك . -
بخصـوص صنـدوق المحادثــات ...
حنا حطيناه للتـرفيـه وعشان الاعضـاء يتقـربون من بعضهـم أكثر ما
حطيناه عشان واحد يجي يتميلـح يبي يتعـرف والثاني يستخـف بدمـه و
مادري ويش ومسنتر 24 ساعـه وتارك المواضيـع لأمي ترد عليها يعني
.؟؟
فـ لبى قلـوبكم بعـد مثل ما تهتمـون بصندوق الشات تهتمـون
بالمواضيع ولو انه ماعليكـم قصور أنشهد ..
-
كل واحد له ظروفه وفيه أعضاء تجيهم ظروف تحدهم أنهم يتركون المنتدى
بهالحال نقول لهم الله يوفقكم وين ما رحتـوا .. وزورونا كل سنه مره
لكن أي عضو بيهاجر ممنوع يكتب موضوع وداعيه أو اهداء .. تبي تودع
ربعك ودعهم رسالة خاصة .. وممنوع عضو ثاني يكتب وداعيه لعضو آخر. -
المـدونات : لكل واحد الحق
بمدونته يكتب اللي يبي لكن مع التقيد بالشروط المذكوره أعلاه ..
-
الحيــن دور المشـرفيـن ياحظـــي بخصـوص المكـرر وحتـى الأعضاء
طبعـا واجبات المشـرف معـروفه واللي هيه باختصار بكلمتيـن (تنظيـم
قسمــه) ..
الأشراف مو لون يكشـخ فيـه الا مسـئوليـه
يعني مثلا ممكـن يجي عضـو ويلاحظ على المنتـدى شي
ويروح يكتب ويقـول القسـم كذا فيـه مواضيـع مكرره او فيـه مواضيع
مكانها قسم ثاني
المشـرف حق القسـم وش موقفـــه ؟؟
عشان كذا كل مشرف يتابـع قسـمه ويشوف المكـرر فيه والقـديم
والمخالفات .. والتقصير من المشـرفين راح يكـون سحب الإشراف .. ^-^
واطلـب من الأعضاء بعــد اللي يشوف موضوع مكرر يخبـر مشرف القسـم
عنـــه
واللـي عنـده اي ملاحظــه ياليـت يرسلـها برسالـه خاصـه
لبى قلـوبكم
...
واللي عنـده اي مشكلته او خلاف مع احد الاعضاء بعـد يصفي النيـه وحنا
حاضـرين ..
آخر تحرير : 20-6-2009
! عسول !
| 
اعـلانات 
